இராமநாதபுரம் மாவட்டத்தில் மீன் வளர்ப்பு மேம்பாட்டு முகமை உறுப்பினர்களுக்கு மீன் வளர்ப்பு உள்ளீட்டு மானியம்-மாவட்ட ஆட்சியர் சிம்ரன்ஜீத் சிங் காலோன் தகவல்!!!

இராமநாதபுரம் மாவட்ட ஆட்சித்தலைவர் சிம்ரன்ஜீத் சிங் காலோன் வெளியிட்டுள்ள செய்திக்குறிப்பில் தெரிவித்ததாவது:-

2025-26-ம் ஆண்டு மீன்வளம் மற்றும் மீனவர் நலத்துறை மற்றும் கால்நடை பராமரிப்புத்துறை அமைச்சரின் அறிவிப்பு எண்.22-ல் மாவட்ட மீன்வளர்ப்போர் மேம்பாட்டு முகமை உறுப்பினர்களுக்கு 50 இலட்சம் மீன்வளர்ப்பு உள்ளீட்டு மானியமாக வழங்கப்படும் என அறிவிக்கப்பட்டு, மேலும் மாவட்ட மீன்வளர்ப்போர் மேம்பாட்டு முகமை உறுப்பினர்களுக்கு முகமையில் நிதி மூலம் இத்திட்டத்தினை செயல்படுத்திட அனுமதி வழங்கப்பட்டுள்ளது.இதனைத்தொடர்ந்து,இராமநாதபுரம் மாவட்டத்தில் இத்திட்டத்தினை செயல்படுத்திட ஏதுவாக 15 ஹெக்டேர் இலக்காக நிர்ணயம் செய்து ஆணை வழங்கப்பட்டுள்ளது.

மீன்வளம் மற்றும் மீனவர் நலத்துறையின் கீழ் செயல்பட்டு வரும் இராமநாதபுரம் மாவட்ட மீன்வளர்ப்போர் மேம்பாட்டு முகமையில் பதிவு செய்து, மீன்வளர்ப்பு தொழில் செய்து வரும் மீனவ விவசாயிகளுக்கு உள்ளீட்டு மானியமாக 1 ஹெக்டேருக்கு அதிகபட்சமாக 10000 எண்ணம் மீன்குஞ்சுகள் கொள்முதல் செய்வதற்கு ரூ.5000/-(ரூபாய் ஐந்தாயிரம் மட்டும்) மானியமாக வழங்கப்பட உள்ளது.

இத்திட்டத்தில் பயன்பெற விரும்பும் முகமையில் பதிவு செய்து மீன்வளர்ப்பு தொழில் செய்து வரும் மீனவ விவசாயிகள் இராமநாதபுரம் மாவட்டத்தில் ஒருங்கிணைந்த மீன்துறை வளாகக் கட்டிடம், மாவட்ட ஆட்சியர் வளாகம்,இராமநாதபுரம் என்ற முகவரியில் இயங்கி வரும் இராமநாதபுரம் (வடக்கு) மீன்வளம் மற்றும் மீனவர் நலத்துறை உதவி இயக்குநரை தொடர்பு கொள்ளலாம், மேலும்,விவரங்களுக்கு அலுவலக தொலைபேசி எண்.04567-230355-ல் தொடர்பு கொள்ளலாம். இவ்வாறு அந்த செய்திக்குறிப்பில் தெரிவிக்கப்பட்டுள்ளது.