நகராட்சி தேர்தலில் களம் காணும் அனைத்து சமுதாய கூட்டமைப்பு:திராவிட கட்சிகள் கலக்கம்!!!

கீழக்கரையில் நகராட்சி ஒழுங்கா செயல்படலைனா நகராட்சி தேர்தல்ல நாங்க குதிப்போம் அனைத்து சமுதாய கூட்டமைப்பின் தலைவர் ஹாமிது இப்ராஹிம் தெரிவித்துள்ளார்.இதனால் கீழக்கரை சார்ந்த திராவிட கட்சிகள் கலக்கத்தில் உள்ளனர்.

இராமநாதபுரம் மாவட்டம்,கீழக்கரையில் அனைத்து சமுதாய கூட்டமைப்பின் சார்பில் ஆலோசனைக் கூட்டம் நடைபெற்றது.கீழக்கரை நகராட்சியில் கிட்டத்தட்ட 21 வார்டுகள் செயல்பட்டு வரும் நிலையில் 70,000-க்கும் மேற்பட்ட மக்கள் வசித்து வருகின்றனர்.கீழக்கரையில் அனைத்து சமுதாய கூட்டமைப்பு தொடங்கப்பட்டு பொதுமக்களுக்கு தேவையான அடிப்படை வசதிகளை பூர்த்தி செய்வதில் அக்கறை காட்டி வருவதோடு,அதனை செயல்படுத்துவதில் மும்மரம் காட்டி வருகிறது.குறிப்பாக கீழக்கரை தனியார் திருமண மண்டபத்தில் இன்றைய தினம் நடைபெற்ற அனைத்து சமுதாய கூட்டமைப்பின் ஆலோசனை மக்களுக்கு தேவையான அடிப்படை வசதிகள் குறித்து விவாதித்து முக்கிய தீர்மானங்களும் நிறைவேற்றப்பட்டது.

குறிப்பாக சாக்கடை சுத்திகரிப்பு செய்வதற்கும்,சுகாதார விஷயங்களை விரைந்து நடவடிக்கை எடுக்கவும்,ஊரின் முன்னேற்றம் குறித்து போராடுவது குறித்தும் தீர்மானம் நிறைவேற்றப்பட்டது.இதில் திரளான சமூக ஆர்வலர்கள் பொதுமக்கள் உட்பட பலரும் கலந்து கொண்டனர்.

பின்னர் செய்தியாளர்களை சந்தித்த அனைத்து சமுதாய கூட்டமைப்பின் தலைவர் பி.ஆர்.எல்.ஹாமிது இபுராஹிம் கீழக்கரை நகராட்சி ஒழுங்கா செயல்படவில்லை என்றால் நகராட்சி தேர்தலில் நாங்கள் களம் காண்போம் என ஆவேசமாக பேட்டி அளித்தார்.இதனால் கீழக்கரை சார்ந்த திராவிட கட்சிகள் கலக்கமடைந்துள்ளன.