இராமநாதபுரம் அருகே கஞ்சா விற்பனையில் ஈடுபட்ட இருவர் கைது:5 கிலோ கஞ்சா பறிமுதல்!!!

இராமநாதபுரம் மாவட்ட போலீஸ் சூப்பிரண்டு ஜி.சந்தீஷ் ஐ.பி.எஸ் உத்தரவின் பேரில் மாவட்டம் முழுவதும் போதைப் பொருளுக்கு எதிரான தடுப்பு நடவடிக்கைகளில் ஈடுபட்டு வருகின்றனர்.மேலும் தொடர்ந்து அவ்வாறு விற்பனையில் ஈடுபட்டு வருபவர்கள் மீது நடவடிக்கை எடுத்து கைது செய்து வருகின்றனர்.

அதன் தொடர்ச்சியாக இராமநாதபுரம் மாவட்டம்,சாயல்குடி அருகே நரிப்பையூர் பகுதியில் கஞ்சா விற்பனையில் ஈடுபட்ட பாலமுருகன்,மணிபிரபு ஆகியோரை காவல்துறையினர் கைது செய்தனர்.

மேலும் அவர்களிடமிருந்து விற்பனைக்காக பதுக்கி வைத்திருந்த 5 கிலோ கஞ்சா பறிமுதல் செய்யப்பட்டது.

அதனைத் தொடர்ந்து இராமநாதபுரம் மாவட்டத்தில் சட்ட விரோத மது மற்றும் போதை பொருட்கள் விற்பனை செய்பவர்கள் மீது கடுமையான நடவடிக்கை எடுக்கப்படும் என போலீஸ் சூப்பிரண்டு ஜி.சந்தீஷ் ஐ.பி.எஸ் எச்சரிக்கை விடுத்துள்ளார்.