கட்சிக்காரர்களை மதிப்பதில்லை:புதிய பேருந்து நிலைய கடைகள் ஒதுக்கீட்டில் “மெஹா ஊழல்” அறிவாலயத்துக்கு பறந்த அடுக்கடுக்கான குற்றச்சாட்டு-“உடன்பிறப்பே வா” நேர்காணலில் முதல்வரிடம் செம்ம டோஸ் வாங்கி அப்செட் ஆன எம்.எல்.ஏ!!!
சென்னை அண்ணா அறிவாலயத்தில் தமிழகம் முழுவதும் சட்டமன்ற தொகுதி வாரியாக தி.மு.க நிர்வாகிகளை சந்தித்து தி.மு.க தலைவர்,தமிழ்நாடு முதலமைச்சர் மு.க.ஸ்டாலின் “உடன்பிறப்பே வா” என்கிற தலைப்பில் கட்சியின் ஆக்கப்பூர்வ பணிகள் குறித்து நேர்காணல் நடத்தி வருகிறார்.
அதன்படி இராமநாதபுரம் சட்டமன்றத் தொகுதியில் இருந்து மாவட்ட செயலாளர் காதர்பாட்சா முத்துராமலிங்கம் எம்.எல்.ஏ தலைமையில் தி.மு.க நிர்வாகிகள் “உடன்பிறப்பே வா” நேர்காணலுக்கு சென்றிருந்தனர்.
நிர்வாகிகள் ஒவ்வொருவரையும் தனித்தனியே அழைத்து நேர்காணல் நடத்திய தி.மு.க தலைவர்,தமிழ்நாடு முதலமைச்சர் மு.க.ஸ்டாலின் மாவட்ட செயலாளர் காதர்பாட்சா முத்துராமலிங்கம் எம்.எல்.ஏவிடமும் நேர்காணல் நடத்தினார்.அப்போது மாவட்ட செயலாளர் காதர்பாட்சா முத்துராமலிங்கத்தை முதல்வர் ஸ்டாலின் கடுமையாக சாடியதாகவும்,இராமநாதபுரம் மாவட்ட தி.மு.கவில் தனக்கு ஒத்து ஊதும் அல்லறை, சில்லறைகளுக்கு மட்டும் பதவி வழங்கியது குறித்தும்,அதனால் கட்சியே கதி என்று கிடக்கும் உடன்பிறப்புகள் தமிழக வெற்றிக் கழகத்தை நோக்கி நகர்ந்தது குறித்தும் கேட்டறிந்து எச்சரிக்கை விடுத்ததாக கூறப்படுகிறது.மேலும் கட்சிக்காரர்களையே அனுசரித்து போக முடியாத உங்களால் பொதுமக்களை எப்படி அனுசரித்து செல்வீர்கள்,இராமநாதபுரம் புதிய பேருந்து நிலைய கடைகளை ஏலம் விட்டதில் நடந்த “மெஹா ஊழல்” குறித்து அறிவாலயத்திற்கு பறந்த புகாரையும் விசாரித்து கடுமையாக சாடியதாகவும் கூறப்படுகிறது.அரசு பொதுமக்களுக்கு எவ்வளவு நல்ல பல திட்டங்களை கொண்டு வந்தாலும்,நீங்க இப்படி இருந்தால் என்ன பண்றது.மேலும் முதல்வர் ஸ்டாலின் இனிமே கட்சிக்காரர்களை அனுசரித்து போகவும் வழியை பாருங்க எனவும் கடுமையாக எச்சரித்ததாகவும் கூறப்படுகிறது.
