இராமநாதபுரம் அருகே கனமழையால் நீரில் மூழ்கிய உப்பளங்கள்:உப்புகள் ஏற்றுமதி செய்வதில் தாமதம்-விவசாயிகள் வேதனை!!!

இராமநாதபுரம் அருகே மழை நீரில் மூழ்கிய உப்பளம் சுமார் 50 ஏக்கர் பரப்பளவிலான உப்பளம் மழை நீரில் மூழ்கியுள்ளது.

டிட்வா புயல் காரணமாக தமிழகத்தில் பல்வேறு இடங்களில் தொடர்ந்து மழை பெய்து வருகிறது.இந்நிலையில் இராமநாதபுரம் மாவட்டத்தில் கடந்த மூன்றாவது  நாளாக இன்றும் மழை பெய்து வருகிறது.இராமநாதபுரம் அருகே சித்தார்கோட்டை பகுதியில் கோப்பேரி மடம் என்ற இடத்தில் சுமார் 50 ஏக்கருக்கு மேல் உப்பு விவசாயம் நடைபெற்று வருகிறது.தொடர் மழையின் காரணமாக சுமார் 50 ஏக்கர் பரப்பளவில் உள்ள உப்பளம் நீரில் மூழ்கி சேதமாகி உள்ளதால்  விவசாயிகள் கடும் சிரமத்திற்குள்ளாகியுள்ளனர்.மேலும் புயல் முன்னெச்சரிக்கை காரணமாக மாவட்ட நிர்வாகத்தின் அறிவுரையின் பேரில் அறுவடை செய்யப்பட்ட உப்புகள் அனைத்தும் முறையாக தார்பாய்கள் மூடப்பட்டு பாதுகாக்கப்பட்டுள்ளன.இதனால் பல லட்சம் ரூபாய் மதிப்பிலான உப்புகள் பாதுகாப்பாக சேமித்து வைக்கப்பட்டுள்ளது.

மேலும் உப்பளங்களில் தொடர்ந்து 3  நாட்களாக பெய்து வரும்  மழையினால் நூற்றுக்கணக்கான உப்பள விவசாயிகள்  வேலையில்லாமல் தவித்து வருகின்றனர்.தொடர்ந்து புயல் மழை காரணமாக அறுவடை செய்யப்பட்டு சேமித்த உப்புகளை ஏற்றுமதி செய்வதில் தாமதம் ஏற்பட்டுள்ளதாக விவசாயிகள் வேதனை தெரிவிக்கின்றனர்.