இராமநாதபுரம் மாவட்டத்தில் நாளை  வாக்காளர் பட்டியல் சிறப்பு தீவிர திருத்தம் தொடர்பான கடைசி உதவி மையம்:மாவட்ட கலெக்டர் சிம்ரன்ஜீத் சிங் காலோன் தகவல்!!!

இராமநாதபுரம் மாவட்ட தேர்தல் அலுவலர்/மாவட்ட கலெக்டர் சிம்ரன்ஜீத் சிங் காலோன் வெளியிட்டுள்ள செய்தி குறிப்பில் தெரிவித்ததாவது:-

இந்திய தேர்தல் ஆணையத்தின் வழிகாட்டுதலின் படி 01.01.2026-ஐ தகுதியேற்படுத்தும் நாளாகக் கொண்டு வாக்காளர் பட்டியல் சிறப்பு தீவிர திருத்தம் நடைபெற்றுவருகிறது.

வாக்குச்சாவடி நிலை அலுவலர்களால் வாக்காளர்களுக்கு கணக்கீட்டு படிவங்கள் வழங்கப்பட்டு பூர்த்தி செய்யப்பட்ட கணக்கீட்டு படிவங்கள் திரும்பப்பெறும் பணிகள் நடைபெற்று வருகிறது.இந்நேர்வில் இராமநாதபுரம் மாவட்டத்தில் உள்ள 800 வாக்குச்சாவடி அமைவிடங்களில் தன்னார்வலர்கள் மூலமாக கணக்கீட்டு படிவங்கள் பூர்த்தி செய்து மீள பெறுவதற்காக,நாளை 30.11.2025 (ஞாயிற்றுக்கிழமை) கடைசி சிறப்பு உதவி மையம் செயல்பட உள்ளது,பொதுமக்கள் முழுமையாக நிரப்பப்படாத கணக்கீட்டு படிவத்தை நாளை நடைபெறும்.முகாமில் உதவி மைய அலுவலர்கள் மூலம் நிரப்பி வழங்க வழிவகை செய்யப்பட்டுள்ளது,வாக்காளர்கள் கணக்கீட்டுப் படிவங்களை முழுமையாக நிரப்பாமல் கையொப்பமிட்டு வழங்கினால் கூட வாக்காளரின் பெயர் வரைவு வாக்காளர் பட்டியலில் இடம் பெறும். எனவே வாக்காளர்கள் தயவு செய்து கணக்கீட்டுப் படிவங்களை உடனடியாக சமர்ப்பிக்கவும்,கொடுக்கப்பட்ட கணக்கீட்டு படிவங்களை வாக்காளர்கள் திரும்ப வழங்கினால் மட்டுமே வாக்காளர்களின் பெயர் வரைவு வாக்காளர் பட்டியலில் இடம் பெறும்,கணக்கீட்டு படிவங்களை உடனடியாக வழங்க அறிவுறுத்தப்படுகிறது.கடைசி நாளான 04-12-2025 வரை காத்திருக்க தேவையில்லை.

இவ்வாறு அந்த செய்திக்குறிப்பில் தெரிவிக்கப்பட்டுள்ளது.