மாவட்டச் செய்திகள்

பசும்பொன் முத்துராமலிங்கத்தேவர் பிறந்தநாள் மற்றும் குருபூஜை-முன்னேற்பாடு பணிகள் குறித்து அமைச்சர் ஆர்.எஸ்.ராஜகண்ணப்பன் ஆய்வு!!!

இராமநாதபுரம் மாவட்டம்,கமுதி வட்டம்,பசும்பொன் முத்துராமலிங்கத் தேவரின் 118-வது பிறந்தநாள் விழா மற்றும் 63-வது குருபூஜை விழா நாளை மறுநாள் (30.10.2025) அன்று நடைபெறுவதையொட்டி மேற்கொள்ளப்பட்டுவரும் முன்னேற்பாடு பணிகளை மாவட்ட ஆட்சித்தலைவர் சிம்ரன்ஜீத் சிங் காலோன்,இராமநாதபுரம் சட்டமன்ற உறுப்பினர் காதர்பாட்சா முத்துராமலிங்கம்,பரமக்குடி சட்டமன்ற உறுப்பினர் செ.முருகேசன் ஆகியோர் முன்னிலையில் மாண்புமிகு வனம் மற்றும் கதர் துறை அமைச்சர் ஆர்.எஸ்.ராஜகண்ணப்பன் பார்வையிட்டு ஆய்வு மேற்கொண்டு தெரிவிக்கையில்:-

பசும்பொன் தெய்வீகத் திருமகனாரின் பிறந்த நாள் விழா மற்றும் குருபூஜை விழா அக்டோபர் மாதம் 30-ம் தேதி இராமநாதபுரம் மாவட்டம்,கமுதி வட்டம், பசும்பொன் கிராமத்தில் ஆண்டுதோறும் நடைபெற்று வருகின்றது.இந்த ஆண்டும் எதிர்வரும் (30.10.2025) அன்று 118-வது பிறந்த நாள் விழா மற்றும் 63-வது குருபூஜை விழா நடைபெறுகிறது.

இவ்விழாவிற்கு பல்வேறு பகுதிகளில் இருந்தும் பொதுமக்கள் மற்றும் முக்கிய பிரமுகர்கள் பசும்பொன்னிற்கு வருகை தந்து அஞ்சலி செலுத்துவார்.அவ்வாறு வருகை தரக்கூடிய முக்கிய பிரமுகர்கள்,பொதுமக்கள் வந்து செல்லும் வழிதடங்கள்,சாலை வசதி,அடிப்படை வசதிகள்,வாகனம் நிறுத்துமிடம்,நினைவிடம்,குடிநீர் வசதி, மின் விளக்குகள் வசதி உள்ளிட்டவைகள் குறித்து பார்வையிட்டு ஆய்வு மேற்கொள்ளப்பட்டுள்ளது.

மேலும் விழாவிற்கு வருகை தரும் பொதுமக்கள் சிரமமின்றி வந்து சென்றிடும் வகையில் விழாவிற்கு உரிய பணிகளை திட்டமிட்டு அமைத்து சிறப்பாக நடத்திட வேண்டுமென அலுவலர்களுக்கு அறிவுறுத்தப்பட்டுள்ளது என தெரிவித்தார்.

இந்த ஆய்வின் போது மாவட்ட காவல் கண்காணிப்பாளர் ஜி.சந்தீஷ் ஐ.பி.எஸ்,பரமக்குடி வருவாய் கோட்டாட்சியர் சரவணப்பெருமாள்,செயற்பொறியாளர் (பொதுப்பணித்துறை) குருதிவேல்மாறன் மற்றும் அரசு அலுவலர்கள் உடனிருந்தனர்.

Related Articles

Leave a Reply

Your email address will not be published. Required fields are marked *

Back to top button