இராமநாதபுரம் மாவட்டத்தில் உலக மகளிர் தின விழாவையொட்டி அவ்வையார் விருதுகள் தொடர்பான கருத்துருக்கள் வரவேற்கப்படுகிறது:மாவட்ட ஆட்சியர் தகவல்!!!

இராமநாதபுரம் மாவட்ட ஆட்சித்தலைவர் சிம்ரன்ஜீத் சிங் காலோன் வெளியிட்டுள்ள செய்தி குறிப்பில் தெரிவித்ததாவது:-

உலக மகளிர் தினவிழா ஆண்டுதோறும் மார்ச்-8ல் கொண்டாடப்பட்டு வருகிறது.2025-26 ஆம் ஆண்டிற்கான உலக மகளிர் தினவிழா 08.03.2026 அன்று கொண்டாடும் போது பெண்களின் முன்னேற்றத்திற்கு சிறந்த சேவை புரிந்த ஒருவருக்கு அவ்வையார் விருது வழங்கப்படவுள்ளதால்,கீழ்காணும் தகுதியான நபர்களிடமிருந்து கருத்துருக்கள் 31.12.2025-க்குள் வரவேற்கப்படுகின்றன.

தமிழ்நாட்டை பிறப்பிடமாகக் கொண்ட 18 வயதிற்கு மேற்பட்ட பெண்ணாக இருத்தல் வேண்டும்,குறைந்தபட்சம் 5 ஆண்டுகள் சமூகநலனைச் சார்ந்த நடவடிக்கைகள், பெண்குலத்திற்கு பெருமை சேர்க்கும் வகையிலான நடவடிக்கை, மொழி, இனம், பாகுபாடு, கலை, அறிவியல், நிர்வாகம் போன்ற துறைகளில் மேன்மையாகப் பணிபுரிந்து மக்களுக்கு தொண்டாற்றும் வகையில் தொடர்ந்து பணியாற்றுபவராக இருத்தல் வேண்டும்,மேற்காணும் வகையில் சாதனை புரிந்தவர்களாக இருப்பின் விண்ணப்ப விபரங்களை கேட்டுக் தமிழக அரசின் இணையதளத்தில் (https://awards.tn.gov.in)y பதிவு செய்ய கொள்ளப்படுகிறது. உரிய கருத்துருவுடன் மாவட்ட சமூகநல அலுவலகம்,இராமநாதபுரம் (மாவட்ட ஆட்சியரக வளாகம்)-ஐ அணுகி இணைப்பு படிவம் பெற்று முழுமையாக தமிழ் மற்றும் ஆங்கிலத்தில் நிரப்பி வழங்குமாறு கேட்டுக்கொள்ளப்படுகிறது.மேலும் தகவலுக்கு தொலைபேசி எண். 04567-230466 என்ற எண்ணிலும் தொடர்பு கொண்டு பயன்பெறலாம்.

இவ்வாறு அந்த செய்திக்குறிப்பில் தெரிவிக்கப்பட்டுள்ளது.