இராமநாதபுரத்தில் நாளை மறுநாள் சமையல் எரிவாயு மாதாந்திர குறைதீர்க்கும் கூட்டம்!!!

இராமநாதபுரம் மாவட்டம் இராமநாதபுரம்,இராமேஸ்வரம்,கீழக்கரை,இராஜசிங்கமங்கலம்,திருவாடானை,பரமக்குடி,கமுதி,கடலாடி மற்றும் முதுகுளத்தூர் வட்டத்திற்கு உட்பட்ட பகுதிகளில் சமையல் எரிவாயு விநியோகம் தொடர்பாக பொதுமக்கள் தங்களின் குறைகள் மற்றும் கோரிக்கைகளை நேரில் தெரிவிப்பதற்காக எண்ணெய் நிறுவனம் மற்றும் எரிவாயு முகவர்களுடன் மாதாந்திர குறைதீர்க்கும் கூட்டம் நாளை மறுநாள் 27.11.2025 வியாழக்கிழமை அன்று பிற்பகல் 03.00 மணியளவில் இராமநாதபுரம் மாவட்ட வருவாய் அலுவலர் தலைமையில் இராமநாதபுரம் மாவட்ட கலெக்டர் அலுவலக கூட்ட அரங்கில் நடைபெறவுள்ளது.

மேற்கண்ட கூட்டத்தில் எரிவாயு உபயோகிப்பவர்கள், தன்னார்வ நுகர்வோர் அமைப்பினர் மற்றும் பொதுமக்கள் கலந்து கொண்டு தங்களது குறைகளை தெரிவித்து பயன்பெற கேட்டுக்கொள்ளப்படுகிறார்கள்.