கீழக்கரை நகர்மன்ற கூட்டம்:தலைவர் பை.செஹானஸ் ஆபிதா தலைமையில் நடைபெற்றது-துணை முதல்வர் பிறந்தநாளையொட்டி இனிப்புகள் வழங்கி அசத்தல்!!!
இராமநாதபுரம் மாவட்டம் கீழக்கரை நகர்மன்ற கூட்டம் தலைவர் பை.செஹானஸ் ஆபிதா தலைமையில் நடைபெற்றது.துணைத்தலைவர் வழக்கறிஞர் வி.எஸ்.ஹமீது சுல்தான் முன்னிலை வகித்தார்.கமிஷனர் கிருஷ்ணவேணி அனைவரையும் வரவேற்றார்.
தமிழ்த்தாய் வாழ்த்துடன் இக்கூட்டத்தில் தி.மு.க இளைஞரணி செயலாளர்,தமிழ்நாடு துணை முதலமைச்சர் உதயநிதி ஸ்டாலின் பிறந்தநாளையொட்டி அனைவருக்கும் இனிப்புகள் வழங்கப்பட்டது.
இந்திய வரலாற்றில் மாற்றுத்திறனாளிகளுக்கு நியமன கவுன்சிலர் வழங்கிய தி.மு.க தலைவர்,தமிழ்நாடு முதலமைச்சர் மு.க.ஸ்டாலினுக்கு அனைத்து கவுன்சிலர்களும் பாராட்டி,வாழ்த்து தெரிவித்தனர்.கீழக்கரை நகராட்சி பொதுமக்களின் தேவையறிந்து அதிகளவு நிதி வழங்கிய இராமநாதபுரம் தி.மு.க மாவட்ட செயலாளர் காதர்பாட்சா முத்துராமலிங்கம் எம்.எல்.ஏவுக்கு நன்றி தெரிவிக்கப்பட்டது.கவுன்சிலர்களின் கோரிக்கைகளுக்கு நகராட்சி பொறியாளர் அருள் பதிலளித்தார்.
தெருவிளக்கு,குடிநீர்,குப்பை மேலாண்மை,கட்டுமான பணிகள் உள்ளிட்ட பல்வேறு துறைகள் தொடர்பான 21 வார்டு கவுன்சிலர்களின் விரிவான விவாதம் நடைபெற்று தலைவர்,துணைத்தலைவர்,கமிஷனர் விரைவில் சரி செய்வதாக உறுதியளித்தனர்.விரிவான விவாதங்களுக்கு பின் 16 தீர்மானங்கள் ஏக மனதாக நிறைவேற்றப்பட்டது.முடிவில் நகராட்சி துப்புரவு ஆய்வாளர் பரக்கத்துல்லா நன்றி கூற தேசிய கீதத்துடன் கூட்டம் நிறைவு பெற்றது.
