கீழக்கரை நகர் தி.மு.க சார்பில் துணை முதல்வர் பிறந்தநாள் விழா கோலாகலம்:இன்று பிறந்த குழந்தைக்கு தங்க மோதிரம்-மாநில பொதுக்குழு உறுப்பினர்,துணை சேர்மன் வழக்கறிஞர் வி.எஸ்.ஹமீது சுல்தான் வழங்கினார்!!!

திராவிட முன்னேற்றக் கழக தலைமையின் ஆணைக்கிணங்க,தி.மு.க இளைஞரணி செயலாளர்,தமிழ்நாடு துணை முதலமைச்சர் உதயநிதி ஸ்டாலின் 48-வது பிறந்தநாளையொட்டி தமிழகம் முழுவதும் தி.மு.கவினர் இனிப்புகள் மற்றும் பல்வேறு நலத்திட்ட உதவிகளை இன்று வழங்கினர்.

அதன் படி இராமநாதபுரம் மாவட்டம்,கீழக்கரையில் நகர் செயலாளர் பஷீர் அஹமது தலைமையில்,மாநில பொதுக்குழு உறுப்பினர்,நகர்மன்ற துணை சேர்மன் வழக்கறிஞர் வி.எஸ்.ஹமீது சுல்தான் ஏற்பாட்டில் கீழக்கரை அரசு மருத்துவமனையில் இன்று பிறந்த குழந்தைக்கு தங்க மோதிரம் வழங்கும் நிகழ்ச்சி நடைபெற்றது.

மேலும் கீழக்கரை அரசு மருத்துவமனை,ஆரம்ப சுகாதார நிலையம் மற்றும் ஆதார் சேவை மையம் ஆகியவற்றிற்கு வரும் பொதுமக்கள் உட்கார வசதியின்றி சிரமப்படுவதை கண்டு அந்த இடங்களுக்கு பிளாஷ்டிக் சேர்களும் வழங்கப்பட்டது.அதனைத் தொடர்ந்து கீழக்கரை வள்ளல் சீதக்காதி சாலையில் தி.மு.க இருவர்ண கொடிகளை கைகளில் ஏந்தி,பொதுமக்களுக்கு இனிப்புகள் வழங்கப்பட்டது.

இந்நிகழ்வுகளில் இராமநாதபுரம் மாவட்ட தி.மு.க அயலக அணி துணை அமைப்பாளர் இப்திஹார் ஹசன்,நகர் விளையாட்டு மேம்பாட்டு அணி அமைப்பாளர் கவுன்சிலர் மீரான் அலி,கீழக்கரை நகர் இளைஞரணி அமைப்பாளர் கவுன்சிலர் செய்யது முஹம்மது பயாஸ்தீன்,இளைஞரணி துணை அமைப்பாளர்கள் முஹம்மது நயீம் ஹக்தர்,சுபியான்,அல்லாபக்ஸ்,காளிதாஸ்,கவுன்சிலர் ஹாஜா சுகைபு,நகர் விளையாட்டு மேம்பாட்டு அணி துணை அமைப்பாளர் முஹம்மது ஆதில் உட்பட நகர் நிர்வாகிகள் மற்றும் சார்பு அணி நிர்வாகிகள் திரளாக கலந்து கொண்டனர்.