இராமநாதபுரம் மாவட்ட குழந்தைகள் பாதுகாப்பு அலகுக்கு விருது-முதல்வர் மு.க.ஸ்டாலின் வழங்கினார்!!!
தமிழகத்தில் குழந்தைகள் நலனை பாதுகாப்பதில் சிறப்பாக பணியாற்றிய இராமநாதபுரம் மாவட்ட குழந்தைகள் பாதுகாப்பு அழகு மற்றும் 3 குழந்தைகள் இல்லங்களுக்கு குழந்தைகள் நலன் விருதுடன் தலா ரூ.1 லட்சம் ரொக்க பரிசை தமிழக முதல்வர் மு.க.ஸ்டாலின் வழங்கினார்.
சமூக நலன் மகளிர் உரிமைத்துறை சார்பில் நிகழ் ஆண்டுக்கான குழந்தைகள் நலன் சேவை விருது வழங்கும் நிகழ்ச்சி சென்னை தலைமைச் செயலகத்தில் நடைபெற்றது.அரசு குழந்தைகள் இல்லங்கள்,தன்னார்வ தொண்டு நிறுவனங்களின் கீழ் செயல்படும் குழந்தைகள் இல்லங்கள்,கூர்நோக்கு இல்லங்கள்,மாவட்ட குழந்தைகள் பாதுகாப்பு அலகுகள் ஆகிய 4 பிரிவுகளில் நிகழ் ஆண்டு முதல் வழங்கப்படும் என சட்டப்பேரவையில் அறிவிக்கப்பட்டது.
இதன்படி தஞ்சாவூர் அன்னை சத்யா அம்மையார் நினைவு அரசு குழந்தைகள் இல்லம்,தூத்துக்குடி புனித மரியன்னை கருணை இல்லம்,சென்னை அரசு கூர்நோக்கு இல்லம்,இராமநாதபுரம் மாவட்ட குழந்தைகள் பாதுகாப்பு அலகு ஆகியவை விருது பெற தேர்வு செய்யப்பட்டிருந்தன.
இந்த இல்லங்கள் மற்றும் துறை அதிகாரிகளிடம் விருதுகள் தலா ரூ.1 லட்சத்திற்கான காசோலையை முதல்வர் மு.க.ஸ்டாலின் வழங்கினார்.
துறை அமைச்சர் கே.கீதா ஜீவன்,தலைமைச் செயலாளர் நா.முருகானந்தம்,துறைச் செயலாளர் ஜெயஸ்ரீ முரளீதரன்,குழந்தைகள் நலன் மற்றும் சிறப்பு சேவைகள் துறை இயக்குனர் (பொ) ஷில்பா பிரபாகர் சதீஷ் உள்ளிட்டோர் பங்கேற்றனர்.
