இராமநாதபுரம் மாவட்டத்தில் உள்ளாட்சி தின கிராமசபை கூட்டம்:மாவட்ட ஆட்சித்தலைவர் தகவல்!

இராமநாதபுரம் மாவட்ட ஆட்சித்தலைவர் சிம்ரன்ஜீத் சிங் காலோன் செய்தி குறிப்பில் தெரிவித்ததாவது:-

தமிழ்நாடு ஊராட்சிகள் சட்ட விதிகளின்படி,ஒவ்வொரு ஆண்டும் 01.11.2025 உள்ளாட்சிகள் தினத்தன்று அனைத்து கிராம ஊராட்சிகளிலும் கிராம சபைக்கூட்டம் நடைபெற வேண்டுமென வழிவகை செய்யப்பட்டுள்ளது.அதன்படி 01.11.2025 அன்று காலை 11.00 மணியளவில் அனைத்து கிராம ஊராட்சிகளிலும்,உரிய வழிகாட்டு நெறிமுறைகளை கடைபிடித்து கிராம சபைக் கூட்டம் நடத்திட மாவட்ட ஆட்சித்தலைவர் உத்தரவிட்டுள்ளார்.

இந்த கிராம சபைக் கூட்டத்தில் 1) கிராம ஊராட்சி நிர்வாகம் மற்றும் பொது நிதி செலவினம் குறித்து விவாதித்தல், 2) கிராம ஊராட்சியின் தணிக்கை அறிக்கை, 3) ஊரகப் பகுதிகளில் மழைநீர் சேகரிப்பு அமைப்புகள் ஏற்படுத்த எடுக்கப்பட வேண்டிய நடவடிக்கைகள் குறித்து விவாதித்தல், 4) கொசுக்கள் மூலம் பரவும் டெங்கு காய்ச்சல் தடுப்பு நடவடிக்கைகள் குறித்து விவாதித்தல், 5) வடகிழக்கு பருவமழை முன்னெச்சரிக்கை நடவடிக்கைகள் குறித்து விவாதித்தல், 6) மகாத்மா காந்தி தேசிய ஊரக வேலை உறுதித் திட்டம். 7) அனைத்து கிராம அண்ணா மறுமலர்ச்சித் திட்டம்-II 8)தூய்மை பாரத இயக்க (ஊரகம்) திட்டம். 9) இதர பொருட்கள் குறித்து கிராம சபையில் விவாதித்திட அரசு தெரிவித்துள்ளபடியால் பொதுமக்கள் தாமாகவே முன்வந்து இந்த கிராம சபைக் கூட்டத்தில் கலந்து கொண்டு தங்கள் கருத்துகளை பதிவு செய்யலாம்.

இவ்வாறு அந்த  செய்திக்குறிப்பில் தெரிவித்துள்ளார்.