ரூ.1.20 லட்சம் லஞ்சம் வாங்கிய ஊரக வளர்ச்சித் துறை அலுவலர்கள் 3 பேர் கைது!!!
சாலை பணிக்கான தொகையை விடுவிக்க துபாய் 1.20 லட்சம் லஞ்சம் வாங்கிய ஊரக வளர்ச்சி துறை அலுவலர்கள் 3 பேரை லஞ்ச ஒழிப்புத்துறை போலீசார் கைது செய்தனர்.
இராமநாதபுரம் மாவட்டம் பரமக்குடி தாலுகாவைச் சேர்ந்த முதல் நிலை ஒப்பந்ததாரர் ஒருவர் மாவட்ட ஊரக வளர்ச்சித் துறையில் வேலைக்கான உத்தரவு பெற்று தார்ச்சாலை அமைத்துள்ளார்.சாலை பணி முடிந்து அதற்கான தொகையை விடுவிக்க வேண்டி கடந்த அக்டோபர் 24-ம் தேதி இராமநாதபுரம் மாவட்ட ஆட்சியர் அலுவலகத்தில் உள்ள ஊரக வளர்ச்சித்துறை பொறியியல் பிரிவில் மூத்த வரைவு அலுவலர் வீரசேகரனிடம் சான்றை ஒப்படைத்தார்.அந்த தொகையை விடுவிக்க மூத்த வரைவு அலுவலர் வீரசேகரன் ரூபாய் 1.20 லட்சம் கமிஷனாக கேட்டுள்ளார்.லஞ்சம் கொடுக்க விரும்பாத ஒப்பந்ததாரர் இது குறித்து இராமநாதபுரம் லஞ்ச ஒழிப்பு பிரிவு போலீசில் புகார் அளித்தார்.
போலீசார் அறிவுறுத்தலின்படி ஊரக வளர்ச்சித் துறை பொறியியல் பிரிவு அலுவலகத்தில் மூத்த வரைவு அலுவலர் வீரசேகரன் (55) இளநிலை வரைவு அலுவலர் நாகலிங்கம் (55) உதவி பொறியாளர் அருண் (41) ஆகியோரிடம் ரூபாய் 1.20 லட்சத்தை ஒப்பந்ததாரர் கொடுத்தார்.அப்போது லஞ்ச ஒழிப்புத்துறை டி.எஸ்.பி ராமச்சந்திரன்,ஆய்வாளர்கள் ராஜேஸ்வரி,குமரேசன் தலைமையிலான போலீசார் 3 பேரையும் கையும் தளமாக பிடித்து கைது செய்தனர்.மேலும் இது குறித்து அவர்களிடம் தொடர்ந்து விசாரணை நடத்தி வருகின்றனர்.
