இராமநாதபுரம் மாவட்டத்தில் பிரதம மந்திரி மீன்வள மேம்பாட்டு திட்டத்தின் கீழ் பயன்பெற மாவட்ட ஆட்சியர் அழைப்பு!!!
இராமநாதபுரம் மாவட்ட ஆட்சித்தலைவர் சிம்ரன்ஜீத் சிங் காலோன் வெளியிட்டுள்ள செய்திக்குறிப்பில் தெரிவித்ததாவது:-
மீன்வளம் மற்றும் மீனவர் நலத்துறை மூலமாக இராமநாதபுரம் மாவட்டத்திற்கு பிரதம மந்திரி மீன்வள மேம்பாட்டு திட்டத்தின் (PMMSY) கீழ் கொடுவா மீன் வளர்ப்பு குளம் அமைப்பதற்கும்,30 டன் மற்றும் 50 டன் உற்பத்தி திறன் கொண்ட பனிக்கட்டி நிலையம் அமைப்பதற்கும்,ஒருங்கிணைந்த அலங்கார மீன் வளர்ப்பு நிலையம் அமைப்பதற்கும் பொது பிரிவினருக்கு 40 சதவீத மானியமும் ஆதிதிராவிடர் மற்றும் மகளிர் பிரிவினருக்கு 60 சதவீத மானியமும் வழங்கப்பட்டு வருகின்றது.
மேலும், பாக் வளைகுடா மற்றும் மன்னார் வளைகுடா பகுதியிலுள்ள மீனவர்களுக்கு சிறப்பு வாழ்வாதாரத் திட்டங்களின் கீழ் இம்மாவட்டத்தை சேர்ந்த 1800 மீனவர்கள் மற்றும் மீனவ மகளீர்களுக்கு திறன் மேம்பாடு பயிற்சிகள் வழங்கப்பட்டு மாற்று வாழ்வாதாரத்திற்கு நிதியுதவிகள் வழங்கப்பட்டு வருகிறது.எனவே மேற்காணும் திட்டத்தில் பயன்பெற்றிட ஏதுவாக ஆர்வமுள்ள மீனவர்கள் மற்றும் மீனவ மகளிர்கள் தங்கள் பகுதியில் அமைந்துள்ள மீன்வளத்துறை உதவி இயக்குநர் அலுவலகத்தை தொடர்பு கொண்டு விண்ணப்பித்து பயன்பெறலாம்.
இவ்வாறு அந்த செய்திக்குறிப்பில் தெரிவித்துள்ளார்.
