கீழக்கரையில் வாக்காளர் சிறப்பு திருத்தத்தை நிறுத்த கோரி கண்டன ஆர்ப்பாட்டம்!!!

இராமநாதபுரம் மாவட்டம் கீழக்கரை முஸ்லிம் பஜாரில் தமிழ்நாடு சிறுபான்மை மக்கள் நலக்குழு சார்பாக ஜனநாயக படுகொலை செய்யும் வாக்காளர் சிறப்பு திருத்தத்தை நிறுத்த கோரி கண்டன ஆர்ப்பாட்டம் நடைபெற்றது.

தாலுகா செயலாளர் மாரியப்பன் தலைமையில் 4-வது வார்டு நகர் மன்ற உறுப்பினர் சூரியகலா முன்னிலையில் நடந்த இந்த கண்டன ஆர்ப்பாட்டத்திற்கு மாநிலத் தலைவர் குருவேல் சிறப்புரையாற்றினார். மாவட்டச் செயலாளர் வெங்கடேஷ்,மாவட்டத் துணைத் தலைவர் ராஜ்குமார்,மாவட்ட குழு முகமது ஃபரூஸ்,சீனி முஹம்மது மற்றும் செய்யது இப்ராஹிம் ஆகியோர் கலந்து கொண்டனர்.முடிவில் மொய்தீன் அப்துல் காதர் நன்றி கூறினார்.