கீழக்கரை முஹம்மது சதக் பொறியியல் கல்லூரியில் மாபெரும் தமிழ்க் கனவு கருத்தரங்க நிகழ்ச்சி!!!

இராமநாதபுரம் முஹம்மது சதக் பொறியியல் கல்லூரியில் மாபெரும் தமிழ்க் கனவு என்னும் கருத்தரங்கம் நிகழ்ச்சி நடைபெற்றது. 

இந்நிகழ்ச்சியில் மாவட்ட வருவாய் அலுவலர் வ.சங்கரநாராயணன் முன்னிலை வகித்தார்.எழுத்தாளர் முனைவர் பாரதி கிருஷ்ணகுமார் அவர்கள் மாணவ,மாணவிகளிடையே மாபெரும் தமிழ்க் கனவு குறித்த கருத்துரை வழங்கி பேசினார்.

அப்போது அவர் பேசியதாவது:-

மாபெரும் தமிழ்க் கனவின் நோக்கம் எல்லோரும் பொருளாதார முன்னேற்றம் பெற்று சிறந்து விளங்க வேண்டும் என்பதே இதன் நோக்கம். அந்த வகையில் நமது முன்னோர்கள் பொருளாதாரத்தில் மிகவும் பின்தங்கிய நிலையில் இருந்ததால் அவர்களின் இலட்சியங்களை நிறைவேறாத நிலையில் இருந்தன. பொதுவாக ஒரு மனிதனின் இலட்சியம் நிறைவேறுவது என்பது மூன்று வகையில் சரியான நிலைப்பாடுகள் இருந்தால் அங்கு இலட்சியம் என்பது நிறைவேறும். அதற்கு முதலில் ஒவ்வொருவருக்கும் சரியான உணவு, சரியான கல்வி, போதிய வேலைவாய்ப்பு இந்த மூன்றும் மிக முக்கியம். இது முன்னோர்கள் காலத்தில் சரியாக இல்லாத நிலைப்பாட்டால் ஏற்றத்தாழ்வு இருந்து வந்தது. ஆனால் தற்பொழுது இம்மூன்றும் சரியான நிலையில் சரியான காலகட்டத்தில் வழங்கப்படுவதால் பொருளாதார நிலை மிக முன்னேற்றம் கண்டு உள்ளது.தமிழ் மரபின் வளமையையும், பண்பாட்டின் பெருமையையும், சமூக விழிப்புணர்வையும், பொருளாதார முன்னேற்றம் குறித்த வாய்ப்புகளையும் இளம் தலைமுறையினருக்கு குறிப்பாக கல்லூரி மாணவர்களுக்கு தமிழ் இணைய கல்வி கழகம், தமிழ் கனவு என்னும் இந்த பண்பாட்டு பரப்புரை நிகழ்ச்சி 2022 ஆம் ஆண்டு துவங்கி சிறப்பாக செயல்பட்டு வருகிறது. 200 கல்லூரிகளுக்கு மேல் இந்நிகழ்ச்சி நடத்தப்பட்டு சுமார் 2 இலட்சத்திற்கும் மேற்பட்டோர் பயன்பெற்றுள்ளார்கள்.இன்றைய மாபெரும் தமிழ் கனவு நிகழ்ச்சியில் நமது பண்பாட்டின் பெருமையை இளைய தலைமுறைக்கு குறிப்பாக கல்லூரி மாணவர்களுக்கு உணர்த்துவது ஆரோக்கியமான எதிர்கால சமூக கட்டமைப்பின் முக்கியமான பகுதியாகும். எனவே கல்லூரிகளில் தமிழர் மரபு நாகரீகமும், சமூக நீதி, பெண்கள் மேம்பாடு, தொல்லியல் ஆய்வுகள், தமிழ்நாட்டில் தொழில் வளர்ச்சி,கல்விப் புரட்சி, அரசின் திட்டங்கள் அவற்றை செயல்படுத்தும் முறைகள் முதலிய தலைப்புகளின் கீழ் சொற்பொழிவு வழங்கப்படுகிறது. என்பது குறிப்பிடத்தக்கதாகும்.அந்த வகையில் இந்நிகழ்ச்சியில் கலந்து கொள்ளும் மாணவர்களுக்கு உயர்கல்வி மற்றும் வேலைவாய்ப்பு வழிகாட்டி குறித்த கையேடும், தமிழ் பெருமிதம் குறித்த கையேடு வழங்கப்படுகிறது. இதில் உள்ள கருத்துக்களை மாணவ, மாணவிகள் நன்கு தெரிந்து ஒவ்வொருவருக்கிடையே கருத்து பரிமாற்றங்களை மேற்கொண்டு இன்றைய இளைய தலைமுறையினர் ஒன்றுபட்டு வாழ வேண்டும்.அது மட்டுமின்றி ஒவ்வொருவருக்கும் ஒரு இலக்கு மற்றும் இலட்சியம் இருக்கும் பொழுது தான் தனக்குள் இருக்கும் திறமையை வெளிப்படுத்த முடியும். அந்த முயற்சியே வெளிப்படுத்தவே மாண்புமிகு தமிழ்நாடு முதலமைச்சர் அவர்கள் இத்திட்டத்தை தந்துள்ளார்கள்.கல்வி என்பது ஒரு சிறந்த ஆயுதம்.இன்றைய இளம் தலைமுறையினருக்கு கல்வி கற்க அரசு பல்வேறு திட்டங்களை வழங்கி வருகிறது. ஒவ்வொருவரும் ஆற்றலுள்ள மனிதனாக வாழ கல்வி பருவம் மிக இன்றியமையாத ஒன்றாகும். அதாவது ஒவ்வொரு நாளும் ஒரு மணி நேரம் செய்தி தாள் படிப்பு, ஒரு மணி நேரம் எழுதுதல், ஒரு மணி நேரம் புத்தகம் வாசித்தல் என மனநிலைக்கு மாறினால் உங்களிடமிருந்து இன்றைய கனவு நினைவாக மாறும் நிலை உருவாகும். 

இவ்வாறு அவர் பேசினார்.

தொடர்ந்து மாணவர்களுடன் கலந்துரையாடி சிறப்பாக வினாக்கள் கேட்டு விவரங்கள் தெரிவிக்கப்பட்டதுடன்,அவர்களுக்கு பாராட்டு சான்றுகளை எழுத்தாளர் முனைவர் பாரதி கிருஷ்ணகுமார் வழங்கி பாராட்டினார்.

இந்நிகழ்ச்சியில் கீழக்கரை வட்டாட்சியர் செல்லப்பா,முஹம்மது சதக் பொறியியல் கல்லூரி துணை முதல்வர் செந்தில்குமார் அரசு அலுவலர்கள் மற்றும் ஆசிரியர்கள்,மாணவிகள் உட்பட பலர் கலந்து கொண்டனர்.