பசும்பொன் முத்துராமலிங்கத் தேவர் பிறந்தநாள் விழா மற்றும் குருபூஜை விழாவில் பா.ம.க சார்பில் மரியாதை:மாவட்ட செயலாளர் தேனி சை.அக்கிம் அழைப்பு!!!

பசும்பொன் முத்துராமலிங்கத் தேவர் பிறந்தநாள் விழா மற்றும் குருபூஜை விழா:பா.ம.க சார்பில் அஞ்சலி செலுத்த மாவட்ட செயலாளர் தேனி சை.அக்கிம் அழைப்பு இராமநாதபுரம் மாவட்டம்,கமுதி வட்டம் பசும்பொன் கிராமத்தில் நாளை மறுநாள் 30.10.2025 அன்று நடைபெறும் முத்துராமலிங்கத் தேவர் பிறந்தநாள் விழா மற்றும் குருபூஜை விழாவிற்கு பாட்டாளி மக்கள் கட்சியின் மாநில பொருளாளர் கவிஞர் திலகபாமா,மயிலம் சட்டமன்ற உறுப்பினர் சிவக்குமார் ஆகியோர் பங்கேற்று அஞ்சலி செலுத்த உள்ளனர்.

இது குறித்து இராமநாதபுரம் மாவட்ட பாட்டாளி மக்கள் கட்சி மாவட்ட செயலாளர் தேனி சை.அக்கிம் வெளியிட்டுள்ள அறிக்கையில் கூறியிருப்பதாவது:-

இராமநாதபுரம் மாவட்டம்,கமுதி வட்டம் பசும்பொன் கிராமத்தில் நாளை மறுநாள் 30.10.2025 அன்று நடைபெறும் தெய்வீக்த்திருமகனார் முத்துராமலிங்கத் தேவரின் 113-வது பிறந்தநாள் விழா மற்றும் 63-வது குருபூஜை விழா வெகு விமரிசையாக நடைபெற உள்ளது.இந்நிகழ்வில் பாட்டாளி மக்கள் கட்சி சார்பில் கலந்து கொள்ள மாநில பொருளாளர் கவிஞர் திலகபாமா,மயிலம் சட்டமன்ற உறுப்பினர் சிவக்குமார் ஆகியோர் வருகை தர உள்ளனர்.இராமநாதபுரம் கிழக்கு மாவட்ட பாட்டாளி மக்கள் கட்சியின் மாவட்ட,நகர,ஒன்றிய பேரூர் மற்றும் கிளை நிர்வாகிகள் இந்நிகழ்வில் திரளாக கலந்து கொள்ளுமாறு கேட்டுக் கொள்கிறேன்.

இவ்வாறு அந்த அறிக்கையில் கூறப்பட்டுள்ளது.