இந்தியத் தேர்தல் ஆணையத்தின் வழிகாட்டுதலின்படி, 209.பரமக்குடி(தனி) சட்டமன்றத் தொகுதியில் வாக்காளர் பட்டியல் சிறப்பு தீவிரத் திருத்தம் (Special Intensive Revision) நடைபெற்று வருகிறது. வாக்குச்சாவடி நிலை அலுவலர்களால் கணக்கெடுப்புப் பணி 04.11.2025 முதல் தொடங்கப்பட்டு 04.12.2025 வரை நடைபெறவுள்ளது. வாக்காளர்கள் https://voters.ecl.gov.in மற்றும் erolls.tn.gov.in/Rollpdf/SIR_2002.aspx என்ற வலைதளங்களைப் பயன்படுத்தி வாக்காளர் சுய விவரங்களைத் தெரிந்து கொள்ளலாம்.
மேலும், சிறப்பு தீவிரத் திருத்தம் தொடர்பாக, பொதுமக்கள் தங்களுக்கு ஏற்படும் சந்தேகங்கள் மற்றும் கூடுதல் விவரங்களுக்கு 209.பரமக்குடி(தனி) சட்டமன்றத் தொகுதி கட்டுப்பாட்டு அறையின் தொலைபேசி எண்: 04564-224151 என்ற தொலைபேசி எண்ணைத் தொடர்பு கொண்டு தெரிந்து கொள்ளலாம்.மேற்கண்ட தகவலை பரமக்குடி வருவாய் கோட்டாட்சியர் ஞா.சரவண பெருமாள் தெரிவித்துள்ளார்.
